Nurse transfer order sut turin phut

Vairengte Joint Village Council chuan Vairengte Community Health Centre-a thawk nursing officer pahnih sawnna thupek transfer order chu sut turin Mizoram sorkar an phut.

Vairengte Joint VC hian nimin (3.6.2025) khan thuchhuah siamin, nursing officer pahnih transfer order rang thei ang bera s没tsak turin sorkar an ngen a, 'Sorkara kan ngenna a hlawhtlin hma chu Vairengte CHC MO in-charge pawh release order pe chhuak lo turin kan ngen a, kan beisei ang thil a thleng lo a nih chuan a tul dan angin hma kan la dawn a ni,' an ti.

Health Department-in May 2025-a nursing officer transfer & posting a tihchhuahah Vairengte CHC nursing officer pahnih chu sawn zingah an tel tih tarlangin Vairengte Joint VC chuan, 'Hriatthiam harsa kan ti,' tiin Health Department-in Vairengte CHC tana nursing officer paruk an lak zingah, 'a khaw mi duhsak an ni ang' an ti chungin khaw dang mi vek an la a, ngawi renga an lo dawnsawn laiin, khawih ch锚t leh nghal an ni chu ṭha lo an tih thu an tarlang.

Vairengte Joint VC chuan, Vairengte CHC chu khaw danga CHC-te nen tehkhin chi-ah an ngai lo tih tarlangin, 'Work load pawh a sang ber kan ni. Heti chunga kan neih sa a heu zawnga in laksak tumna a awm hi sorkar hian min ngaihtuah thatsak se kan ti. State ramria awm kan nih avangin harsatna nasa tak kan tawk thin. Indaih a ngaih zual thu sorkar kal taah leh tun sorkara a changtu minister hnenah pawh sawi a ni tawh a, tawngka ringawta 'a dik alawm' intihsak satliah ringawt loa a taka lantir turin kan ngen a ni,' an ti.

===============