Methamphetamine thahnem tak an man

Excise & Narcotics Department chuan nimin (3.6.2025) zing dar 8:20 khan New Diakkawn, Chal Lui Veng, Kolasibah nethamphetamine nei nia puh mi pahnih - Lalbiakhnuni (47) d/o Laldinthara (L), New Diakkawn, Chal Lui Veng Kolasib leh Lalrinchhani (42) d/o Rohnihlova, New Diakkawn, C.P. Road Kolasib-a khawsa nia inchhalte chu an man.

Excise & Narcotics hotute hmaa an inpuanna bawhzuiin nimin vek, chawhma dar 10:30 khan Tumpui Veng, Kolasib-ah nethamphetamine kg. 2 leh gram 900 (Tablet 30,000) leh hemia inhnamhnawih nia puh midang pali Vanlalruaia (60) s/o Darneihkuala (L), Tumpui Veng, T-Section, Kolasib; Lalbiakchhunga (34) s/o Laldawngliana, Tumpui Veng, T-Section, Kolasib te, Ahmad Hussain (33) s/o Badruj Jansan, Ranugram, Karimganj District, Assam; Sadikul Haque (23) s/o Jamal Uddin, Singaria, Karimganj District, Assam-a khawsa nia inchhalte an man leh.

Methamphetamine phurh khualna atana an hman Suzuki Access Scooter Regn No MZ05A-3922 pawh hrensak nghal an ni. Heng methamphetamine-te hi state pawna hralh tum mek lai a ni.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, vawiin khan District Court, Kolasib-ah hruai nghal an ni.