SHC-in kuhva tiak an sem

Vawiin, June 7, 2025 chhun khân Sinlung Hills Council (SHC) Sorkar chuan an huam chhûng khaw 31 tân Sakawrdai SHC Office tualah kuhva tiak an sem. 

SHC CEM Ricky Lalremsanga chuan, 'SHC chuan sum leh paiah harsatna nasa tak a tawk mêk a, chutihrual chuan SHC hotute chuan Hmar mipuite chu retheihna leh harsatna aṭanga khaichhuah ngei an tum a, chu chu SHC pianna tur atâna Hmar pasalṭha leh Hmar hnam tâna martar-te duh dàn a nih ngei a rinawm. SHC area chhûnga kuhva chingtute tân sum leh pai tam tak sênga an sem chhan a ni,' a ti.

CEM chuan, SHC sawrkàrna leh thuneihna chu thlan tlinte chauh ta a ni lo tih sawiin, 'Khawvel hmun hrang hrang leh India ram chhûng Hmar mipuite ta a ni,' tiin Hmar hnam chu lungrual taka kala, engkawngah pawh hlawhtling tlâk leh taima taka hna thawk tùra a sawm bâkah kuhva ṭiak dawng zawng zawngte pawh eizawnna puitling an neih theih nân duhsakna a hlàn.

SHC hotute hian Sinlung Area Bial 12 chhûnga khaw 31 tân kuhva ṭiak  45,000(Singli sang nga) chu a sem chhuak a ni.