Methamphetamine thahnem tak man

Police atanga thudawn danin, June 9, 2025, zing dar 10:35 bawr vel khan Champhai Police, Chalbawia junction khankawn police checkgate duty te chuan car pakhat registration no. MZ01-Q-0178  Malsawmsanga (42) s/o C.Lalrothanga of Zokhawthar khalh atangin Methamphetamine bundle 10, a rih zawng kg. 11.8 an man.

Methamphetamine hi mum 1,01,000 a ni a, a hlut zawng hi Rs. 153,40,000/-(nuai za sawmnga pathum leh singli) vel a ni. Malsawmsanga hi Zokhawthar atanga Aizawl lam pan a ni a, amah chauh in car-ah hian a chuang.

Heng damdawi an man sak hi a motor hnuaiah thukru in, a thuhrukna hi pindan hran siam a, tihdang lam a ni a, welding hnan a ni.