Thisen pe tam berin a pe leh

Mizorama a thlawna midangte tana thisen pe tam ber dinhmun hauh mek C Lalremruata (44), Electric Veng, Aizawl chuan vawiin (10.6.2025) chhun khan thisen a pe leh.

C Lalremruata hian a thlawnin thisen ṭum 95 a pe tawh a, Pro Volleyball League, 2025-a Anastasia Electric Veng Volleyball Club champion lawmna atan Civil hospital, Aizawlah thisen a pe a, ṭum 96 a pekna a ni ta a ni.

C Lalremruata hi tlangval a la ni a, Pathian zara a dam a, a hriselna dinhmunin a zir phawt chuan thisen hi pek chhunzawm zel a la tum.