Damlo kalpui tur hrilfiah inhuam

Lalramnghaka, Aizawl Venglai, hun eng emaw chen eizawnna avanga Delhi-a awm tawh chuan Max Hospital Saket leh Indian Spinal Injuries Centre-a inentir tur, hriatthiam loh neite chu hrilhfiah a inhuam thu a whatsapp status-ah a tarlang.

Lalramnghaka chuan, 'Max Hospital Saket leh Indian Spinal Injuries Centre lama kal tur kan hmelhriat leh thiante inhriat chuan harsatna engemaw an neih emaw hriatthiam loh an neih chuan min rawn kawhhmuh rawh u. Hrilhfiah man chawi a ngai lo (free of cost). Buaina leh harsatna nei an awm leh thin a, hrehawm ka lo ti thin,' a ti.

Damdawi in pahnihah hian marketing (corporation) team-te nen connection tha tak kan neih avangin an nin an lo pui zung zung thin tih tarlangin Lalramnghaka chuan, 'Problem em em nei loin kan sawifel sak ve mai thin. Delhi kal ngai lo tan leh hospital kal ngailo tan engkim hriat nghal vek a harsa thin a, tlawm a la lo in min lo zawt ula a theih ang chin chinah in puih dan kan ngaihtuah zel dawn,' tiin hospital-a damlo buaipui tur hian tawng thiam ringawt a tawk zo thin 1oh thu tarlang tel.

Max Hospital Saket leh Indian Spinal Injuries Centre hi MUHCS hnuaiah empanelled hospital an nih angin Mizoram atanga refer an tam zual hle.

(A number han tarlan em chu rem loah kan ngai. Be pawp duh chuan kan Facebook page-ah min lo inbox mai dawn nia - Bengvarna)