Aizawl Venglaiin ngaihdam an dil

Aizawl Venglai All NGO Coordination Committee chuan thuchhuah siamin, July 10, 2025 zana Mizoram Police-te'n Zokhawtharah heroin kgs. 7.422 lai mai an man chungchangah an veng mi  H. Lalrinsanga s/o H. Lalremmawia (L), Aizawl Venglai a lo inhnamhnawih tih an hriatin, Aizawl Venglai khawtlang chuan pawi an ti takzet tih an tarlang a, Mizoram mipui zawng zawng hnenah ngaihdam kan dil tak meuh a ni,' an ti.

He thil hi kan hriat veleh Local Council kaihhruaina hnuaiah All NGO meeting ni 19.07.2025 (Inrinni) zanah koh nghal a nih thu leh A hnuaia mi ang hian thutlukna an siam tih Aizawl Venglai All NGO chuan an tarlang.

1. Sorkarin ruihhlo tihrem tuma theihtawp a chhuah mek laia kan veng mi ngei ruihhlo chungchangah ram leh hnam tihmualpho theihna thilah a lo inhnamhnawih hi pawi kan tiin kan dem takzet a ni.

2. Sorkara thuneituten a chungah dan anga na taka action la turin kan ngen. Hemi kawngah hian sorkar thutlukna ang ang chu veng mipuite'n kan thlawp tlat ang.

3. H.Lalrinsanga hian a thubuai chinfel a nih hma chu vengchhung a rawn rah hi kan remti tawh rih lo a ni.

4. Aizawl Venglai khawtlangin ruihhlo dona kawnga theihtawp chhuaha hma kan lak reng laia ruihhlo tawlhrukna liantham takah Aizawl Venglai mi a lo inhnamhnawih hi pawi kan tiin, kan dem takzet a ni.

Thlalak : H Lalrinsanga