Thawhpui thei tawh lo

Mizoram Industries & Commerce Service Association (MICOSA) chuan August 22, 2025 khan Commerce & Industries Minister F Rodingliana hnen lehkha thawnin, an director an thawhpui theih tawh loh thu an thlen.

MICOSA chuan F Rodingliana lehkha an thawnah hian, 'I hnena lehkha kan rawn thehluh tawh; Director, Commerce & Industries sawn chhuah chungchang (vide No. B. 12017/1/2025/MICOSA Dated 7th August 2025) ah khan tun thlengin chhanna lawmawm kan la dawng lo. I hnena ziak leh tawngkaa kan rawn thlen tawh ang khan Directorate of Commerce & Industries hnuaia officers & staff-te chuan kan Director Pi Maria C.T Zuali, IAS hi kan thawhpui thei tawh lo. Chuvang chuan August 2025 thla ral hma ngei hian Director, Commerce & Industries atanga sawnchhuahna order hi hmuh kan beisei tlat a ni. Amah hi sawn chhuah a nih thuai loh chuan MICOSA member lungawi lote hi kan inthlem dam zo tawh lo a ni,' an ti.

An minister hi a leadership-ah rinna an la nghat reng a, lungawi lohna lan tir kher lo a kan harsatna hi a hinfel sak an beisei tlat tih MICOSA chuan an hrilh.