Sava thah/manna hmanrua tihral a ni

Vawiin (28.2.2024) chhun khan Ngengpui Wildlife Sanctuary huamchhunga Sava manna atana an hman thang leh len chi hrang hrang te hal ral a ni a, thingzaina hmanrua chu tihchhiat niin, airgun erawh kawl that a la ni. 

Chhimtuipui Wildlife Division huam chhung Ngengpui Wildlife Sanctuary ram chhunga sava veh thintte leh thangkam thinten an hman airgun chi hrang hrang leh Thingzai khawl (chainshaw) dan phal loha hman thinte chu vawiin khan phochhuah a ni.

Heng zinga thang chi hrang hrang, vahui len leh lenkhang, thangchep, sairawkherh leh sathang chu hal ral a ni. Thingzai khawl erawh chu vuak chhiat vek hnuah hmun him a paih tura tih a ni. Airgun chi hrang hrang erawh chu thubuai kalpui mek a nih avangin office lama la kawl that tura tih a ni thung. 

Vawiina an tih ral zinga thingzaina khawl an man 10 te hi kum kalta 2023 a an man 7 leh kumin February thlatira an man 3 te an ni. Vahui leh leh lenkhang 115 te hi kumin January leh February thla a an man te a ni.

Thangchep leh sava thang 100 te chu kum kalta 2023 a an man khawmte an ni a, sairawkherh pasrih chu kumin January leh February thlaa an man te a ni.

Sava kahna a hman chi air rifle 15 zinga 10 chu kumin January leh February thla a an man niin, a dang 5 chu kum kalta 2023 a mante an ni.