FCS&CA Minister-in kawngpui tlabal a enfiah

Food Civil Supply & Consumer Affairs (FCS&CA) Minister B Lalchhanzova chuan vawiin (19.9.2024) chhun khan Kawnpui daia kawngpui tlabal avanga nitin mamawh phur truck-te tangkhanna hmun a tlawh.

B Lalchhanzova hian Kawnpui daia kawng bal avanga nitin mamawh (essential commodities) tangkhangte phurh luh dan ngaihtuahin Kawnpui daia harsatna thlenna hmun a tlawh a, thil awm dawn a enfiah. Chumi hnuah mipuite nitin mamawh mumal taka phurh tlang a nih theih dan tur Kawnpui Police Station-ah khawtlang hruaitute leh Lalduhthlanga, EE, PWD bakah Kolasib District Truck Owners' Association-te nen an sawiho. 

FCS&CA Minister chuan chatlak loa nitin mamawh phurh luh a nih zel theih nan sawrkarin hma a lak zel thu sawiin, mipuite chu chiai mai lo turin a chah a, 'Sawrkarin a ṭul ang zelin ruahmanna a siam dawn,' a ti. 

Supply Minister hi Zadailova, Joint Director, FCS&CA leh DCSO, Kolasibten an tawiawm a ni.