Halpuah leh halmawi an man

Aizawl Police Station duty-te chuan Aizawl District Magistrate atanga complaint an dawn bawhzuiin nimin (21.12.2024) khan Aizawlah halpuah leh halmawi thahnem tak an man.

Bengvarna thudawn danin, Aizawl Police Station duty-te hian F Lalremruati (25) d/o F Lalramliana, Armed Veng nia inchhal leh Vanlalpekhlua (28) s/o Lalhmingchhuanga, Ramhlun South nia inchhal hnen atangin halpuah leh halmawi Rs. 15,000 hua chhut an man.

Aizawl Police Station duty-te hian an chhuizuina kalzelah Lalhmingliani (23) d/o Lalhlimpuii, Kulikawn West nia inchhal hnen atangin halpuah leh halmawi Rs. 49,439 man hu an man leh.

Halpuah leh halmawi avanga mante Aizawl Police Station leh Kulikawn Police Station-ah thubuai siam sak an ni a, a kaihhnawih dang an awm em tih leh tul dangte police-in an chhuizui ang.