Tuipui Ferry-ah tlahlum
admin 15-Apr-2025 07:46 AMNimin (14.4.2025) tlai thim dawn khan Siaha Meisa Vaih naupang pahnihte chu Tupui Ferry-ah an tlahlum.
Tuia tlahlumte hi SN.Lallawmkima (12) s/o SN.Thanzara, Siaha Meisa Vaih West leh Zakaria (8) s/o LC.Jonasia Siaha Meisa Vaih West te an ni.
Thulaknain a tarlan danin an pahnih hian an chhungte Chhimtuipui, T.Ferry kai a insu tura an kal an zui a, an insukna hi Siaha leh Lawngtlai inkar R.Beinò (Chhimtuipui lui) leilawn (Seasonal Bridge) chhak a insukna thinah a ni.
An chetsual lai tak hi tuman an hmu lo a, haw tuma an insingsak vel chuan an awm lo tih hriat chhuah a ni.
T.Ferry khaw chhungah zualkoin, tlangvalhoin an chapel leh thawmhnaw awmna zawnah chuan an rin zawn ta a. zan dar 8 velah khan an ruang hi inhlat vak loin an hmu ta a ni.
Ruang pahnih MTP Branch T.Ferry-ten khaw chhungah la lutin kuang an siamsak a, thlahna hunte an hmanzawh hnuin Siaha lamah phurh chhoh nghal an ni. Vawiinah vui an ni ang.
