Kenbo bike khap

Hnahthial Addl. SP Lalhmangaihhlua chuan IGP hnen atanga thu an hmuh ang, tunhnai khan Hnahthial District chhungah China siam Myanmar motor cycle ‘Kenbo’ khalh khapna thupek a chhuah.

Khapna thupek a chhuahah Hnahthial Addl. SP chuan, 'Mizoram leh Myanmar inrina India/Mizoram bul hnai-ah India rama ziahluh ni lo kenbo bikes khalh thin a ni tih hriat a ni. Hei hi Mizoram chhungril zawkah pawh kal veivah na’n hman nasat a ni leh zel tih pawh hriat a ni,' a ti. 

Hnahthial Addl. SP chuan kenbo bike-te hian Mizoram/India ram chhungah veivah theihna permit/document mumal an nei lo tih hriat a nih thu tarlang, 'Chuvangin, patrolling lai emaw, check point ah emaw, operations neih laia hmuh an nih chuan man a, enfiah an ni anga,' tiin kenbo bike neitute chu a tul anga dan anga an chungchang rel a nih tur thu a tarlang.