Home/centre tan accreditation a ngai tawh

Section 42 of the Mizoram Drug (Controlled Substance) Act, 2016 in a phût angin Mizoram chhunga Drugs (Controlled Substance) De-addiction & Rehabilitation lam kaihhnawiha home emaw center emaw din reng rengte chuan Department of Social Welfare, Women & Child Development hnuaiah Accreditation tih (dân anga inziahluh) vek tur a ni.

Accreditation atana dilna (application) form hi June 1, 2025 atangin Centre din tum emaw/ ding tawh sa zawng zawng in Directorate of Social Welfare website socialwelfare.mizoram.gov.in atanga download-in, June 30, 2025 ral hmain document tul dangte nen Directorate Social Welfare e-mail swtamizoram@gmail.com ah a soft (scanned copy) theh luh leh tur a ni ang. Hemi bakah hian a hard copy-in Director Social Welfare-ah thehluh bawk tur a ni a, copy khat mahni bialtu District Social Welfare Officer hnenah thehluh bawk tur a ni ang.

District Accreditation Inspection Team-ten July chhungin inspection tih tur a ni anga, August 15, 2025 ral hma in inspection report hi Director, Social Welfare hnenah submit leh tur a ni ang.

Endikna (inspection) a tling center-te hi thla 6 Provisional Accreditation pek an ni phawt ang a, chumi chhungin dân in a phût ang minimum standards a siamte zawm turin hma an la ang. Thla 6 hnuah hian endik leh an ni ang. Tehfung hrang hrang hmanga endikna report-te chu Accreditation Committee-in a ngaihtuah hnu ah tlinga pawm an nih chuan accreditation hi pek an ni ang.

Contact for details: Pi Lalhlupuii Sailo, CEO, MSD&RB @9436154348/8794837099 MSD&RB Office, Chaltlang