Mizoramah meth ti an awm tawh

Mizoramah methamphetamine thahnem tak man ni thin mah se, hun eng emaw chen Mizoramah methamphetamine ti an awm awm hriat a ni lo. Tunah chuan methamphetamine ti hi an awm ngei tawh hriat a ni.

Excise & Narcotics Department hnen atanga Bengvarna thudawn danin, thildang vanga an man zingah methamphetamine ti tawh an awm ve thin tawh a, a tihna hmanrua (hipna) man sakte pawh an awm tawh a ni. Chutihrualin, methamphetamine addict tih tur ang tak chu an awm hriat a ni loa, an mante hi tive zeuh zeuh thin, addict tia sawi tur tak an ni lo.

Mathamphetamine hi ruihhlo hlauhawm tak a ni a, taksa a tichhe hma em em a, rei lote chhungin ruhte a ti mawih theih a ni.

Hetihlai hian, Mizorama methamphetamine an man 95% vel chu Mizoram pawn lama thawn tur nia hriat a ni. Karimganj thleng thlain, heta tang hian Tripura, Bangladesh leh Assam hmun danga thawn darh thin niin Excise & Narcotics Department-te chuan an hria.