Benga en theih a ni dawn ta...

Mizo film-a kan la hmuh zen zen loh, thiltihtheihna danglam tak nei; Benga chu en theihin a awm dawn ta. Crime leh action comedy genre inpawlh, Benga movie hi a hmuhnawm ngei rin a ni

Thuneihna sang zawk neite'n an thuneihna dik lo taka hmanga, dan leh mipui pawisa loa hlawkna an um avanga mahni hmasial taka pawi an khawih thin kara tum loh deuha an buainaa inhnuk lut, dik taka thil tih duhtu Benga chuan mawhphurna lain, dan bawhchhiatna hriat chhuah chu amah ngeiin chinfel a tum ta a ni.

Benga hi David Ruata direct leh ziah a ni a, producer hi Lada picture an ni. A changtute hi film chang tawh thin ni lo mah se, an part an hneh a, Mizo kutchhuak movie plot kan la hmuh ngai loh a nihna hian en a tichakawm zual hle.

He movie hi Lersia Play-ah August 16, 2024 (Zirtawpni) zan dar 8 atangin lei theihin a awm dawn a, a man tlawm ber hi Rs. 177 a ni dawn a, a man to ber (Full HD) hi 354 man a ni thung ang.