Tuilian vangin harsatna tawk

Tuhnaia ruah a sur nasat avangin Khawthlangtuipui chu a lian a, heivang hian Tlabung khaw hmun tam tak chu tuiin a chim tawh.

Tuilian avang hian vawiin (7.8.2023) tlai thlengin Tlabunga chhungkaw 30 chu hmun him lama sawn an ni tawh a, ruah a sur zel chuan chhungkaw dang emaw zat pawh sawn chhuah an ngaih rin a ni.

Tuilian avanga harsatna tawkte chhawmdawl hna hi Tlabung SDO (C) kaihhruaina hnuaiah Tlabung VC, Khawthlangupui Group YMA leh Young Pahari Association-ten an thawk.

Bialtu MLA Nihar Kanti Chakma pawhin tuilian avanga harsatna tawkte a theih ang angin a vil reng a, hmun him lama chhungkaw sawn chhuahte tan buhfai bags 10 a ruahman.