Sajek Luiah eitur leh gas an man

Border Security Force (BSF) leh Marpara Police tangkawp chuan tunhnai khan Bangladesh atanga lakluh ni ngeia hriat leh a lakluhna lawng an man.

BSF-te hian Bangladesh buai hnuah ngawrh lehzualin ramri venhim hna an thawk a, Sajek Lui, Mamit District-ah Bangladesh lawng ni ngeia hriat hmuin, Bangladesh lawng a ni ngei tih finfiah a nih hnuah lawngin a phurh chi hrang hrang an man a, lawng pawh an man nghal. 

Lawng hi a neitu an hrechiang thei lo a, lawng in a phurhte chu Bangladesh atanga lakluh ni ngeia hriat a ni. Bungruate hi cheng nuai 1.44 man hua chhut niin, bungrua bik hi Marapara Police-te kutah a awm.

BSF 38 battalion leh Marpara Police-te thil man hi sangha kg 66, Chakma dalda kg 400 leh Bangladesh-a siam eirawng bâwlna gas te a ni.