Khuai no lak hun a la ni lo?

Pachhunga University College (PUC) Department of Biotechnology (Life Sciences) chuan khuai no lak hun chungchangah thuchhuah an siam.

PUC Department of Biotechnology (Life Sciences) chuan khaw thenkhatah khuai no an la tan der tawh tih tarlangin, 'Species thenkhat entir nan, kan ram a awmte awm lote, an reproductive period chu an life cycle a rei lote a nih mai bakah September tawp lam atang a intan chauh. A hun (year) leh hmun a zirin danglam hret te chu awm ma hse, tuna khuai no an lak tan chuan next generation tur chu an awm hman dawn lo reng reng tihna a ni,' an ti.

A kum tela kan tih rem nasat tur thu tarlangin PUC Department of Biotechnology (Life Sciences), 'Demand a sang si, inhauh khalh an hlauh luat ah an la hma telh telh lehnghal. Aizawl lam atangte a bu tawp a lo hauh lawk an tam thin. Anni tan a lo hlawk bawk si,' tiin demand a awm loh/san loh a ngai tih an tarlang.