GST-in a huamzau hle

Deputy Commissioner of State Tax, Aizawl South Zone chuan hriattirna ti chhuakin, The Mizoram Goods and Services (GST) Act, 2017-in a sawi angin intihlimna lam chi hrang hrang - mela, concert, sport events, movie chhuah, trade fair leh a dangte ticket emaw man neia buatsaih ang chi reng rengah tax (GST) a awm vek tih a tarlang.

Aizawl District chhunga Events buatsaihtu ten Deputy Commissioner of State Tax Office, MINECO-ah Aizawlah an mahni zone huam chhungah zel chutiang an huaihawt hma chuan an hriattir hmasa ngei tur a ni tih tarlangin, danin a rem tih ang ni loa khitiang events buatsaihtute chu dan hmanga hrem theih an ni tih a inhriattir.

Deputy Commissioner of State Tax chuan social media - Youtube, Facebook, Instagram leh adangte atanga sum laluttute pawhin chhiah (GST) hi sorkarah an chhun luh a ngaih chin a awm tih tarlangin 'Sorkarah dik takin chhiah chhung la, khua leh tui tha Io ni ang che' tiin a hriattirna tih chhuah hi a titawp.