Rangvamual leh a chhehvel zu

Vawiin (28.8.2025) Assembly Session-ah Excise & Narcotics Minister Lalnghinglova Hmar chuan ZPM Member Lt. Col. Clement Lalhmingthanga zawhna 'Rangvamual leh a chhehvela zu dinhmun endik kha engtia kalpui zel nge a nih' tih chu ziakin a chhang.

Lalnghinglova Hmar chuan, 'Rangvamual leh a chhevela zu endikna result hi dawn tawh a ni. Hemi chungchanga mi thiamte rawn chung zela hmalak dan tur ngaihtuah turin Excise & Narcotics Department, RIPANS leh Forensic Science Laboratory lam nen Joint Consultative Committee din a ni,' a ti.

Excise Minister tarlan danin, Joint Consultative Committee hmingah hian Public Advisory Committee on Country Liqour' tiin notifiction pawh ni 5.8.2025 khan chhuah a ni a, an thu hi ngaihchan mek a ni.

Tarlan tawh angin, Excise Minister hian ni 11.3.2025-a Assembly Session neih tum khan Rangvamual, Phuchawng leh Tuikhurhlu zute chu Delhi-a Central Laboratory-a endik tir tum mek a nih thu a lo sawi tawh a ni.

File Photo