Zirtirtu dah belh phutin sikul khar

Gov't. Primary School, Pukzing Vengthara zirlai nu leh pate chuan ni 17.9.2024 atang khan zirtirtu dah belh phutin tiamchin awm loin sikul an khar. 

Pukzing Vengthar VCP Lalhmunmawia sawi danin, Gov't. Primary School, Pukzing Vengtharah hian zirlai naupang 90 vel an awm mek a, tun dinhmunah zirtirtu pakhat chauh a awm avangin nimin khan zirtirtu awm chhun hnenah sikul  khar an tum thu hi an hrilh a ni.

Pukzing Vengthar Primary School-ah hian SEDP teacher nen zirtirtu pahnih an awm thin a, SEDP teacher chu an term a tawp tawh avangin zirtirtu pakhat chauh an nei tawh.

Tunhnaia sorkarin casual teacher a lakah khan zirtirtu pahnih pek ni mah se, pakhatin a zawm lo. A zawmtu zawk pawh joining report a pek bak a hmel an hmu chhunzawm lo a ni. Pukzing hi Mamit District-a awm a ni