ZPM-in min rawk zawngin hma an la - MNF GS

MNF General Secretary Zodinpuia chua engmah ram leh mipui tana a tha zawng min hlui loa, ram mipui min rawk zawng leh nekchep zawng hlirin hma min la lakpui char charah ZPM kaihhruai sorkar a puh.

Zodinpuia hian ni 28.9.2024 (Zirtawpni) khan an party office-ah thu sawiin, 'Kan sawrkar neih mek thla 10 hmel hmu mek hian, engmah ram leh mipui tan a thazawngin min la hlui lova, ram mipui min rawk zawng leh nekchep zawng hlirin hma min la lakpui char char a ni. Oil man a tihsan avang leh kawngchhia a hlamchhiah rei avangin thil engkim a to chho mawlh mawlh a, mipui nitin mamawh dap kawngah mi tamtak kan tangkhang chho mek a, kan harsatna tawh mek hi, a naimai lo,' a ti.

Buhfai man, card var hmang tana tihto a nih dawn avangin chhungkaw sing chuangin an lakna thin pangngai aiin a leta toin an la tawh dawn tih sawiin MNF GS chuan, 'Kan buhfai lak quality lahin chhiat lam a pan zel. Heti taka mipui min rawk lai hian, an duhsak zawng buhfai an supply tir avangin, a chhang hniam zawk an hnawl avanga sum hloh chu nuai za tam a ni dawn thung lawi si a ni. Thlai thar an leina tura mipui society dinna tura a dintute senso chu nuai 45 a tling chho hial a, lei sak an nih dan tur an puanzar erawhin kut thathawktute beng a tithlep nasa hle,' tiin kuthnathawktute 7th pay pek an intiam chu a tak thleng loin, crop insuarance an sawihmuh pawh tun hi a taka sawhtling tam nei chhungkaw 2,000 chuang hnena thlen tir hun niin a sawi.