Current man vangin thi

C Lalnunsanga (43) h/o Lalhmingmawii, Serchhip P&E Veng chu nizan (13.10.2024) khan electric current man vangin a thi. Amah hi P&E Department-a provisional employee a ni. 

Thudawn danin nizan khan Serchhip Dinthar Venga electric transformer chu a chhia a, siamtha turin C Lalnunsanga leh a thawhpui pakhat an kal a ni.

C Lalnunsanga hian fuse chhia siam tura a khawih chu electric current-in a lo man a, Serchhip Damdawi In panpui a nih hnuah a hliam tuar loin a thi. Vawiinah vui a ni ang.