Office hour ngai pawimawh turin hriattir

Chief Secretary Dr Renu Sharma chuan ni 11.10.2024 khan office memorandum ti chhukin, sorkar hnathawkte chu office hour ngai pawimawh turin a hriattir.

Office hour ngai pawimawh tura hriattirn tum eng emaw zat chhuah a ni tawh chungin officer leh staff thenkhatte'n an zawm lo tih tarlangin Chief Secretary chuan, 'Sorkar hnathawkte office hour chhungin office-ah an awm tluan tur a ni. He office memorandum hi zawm lo an awm a nih chuan an chungah disciplinary action lak a ni ang,' a ti.

Chief Secretary chuan office hour vawn dik chungchangah administrative head of department-te chuan an hnuaia officer leh staff-te an vil tur a ni tih tarlangin, "An hnuaia mite'n pisa kai hun chhunga pisa-ah an awm tlawn ngei theihna atan discipline an vawng tur a ni,' tiin office hour ngai pawimawh turin sorkar hnathawkte a hriattir nawn.