Action lak ngei tihmakmawh a ni - HM

Home Minister K Sapdanga chuan press statement ti chhuakin, halpuah/halmawi sorkarin a khap a, YMA, kohhran leh media-ten an thlawp tih tarlangin, 'Congress Party pawhin n a thlawp thu a puang,' a ti. 

K Sapdanga chuan sorkar thupek hi politics game emaw ti pawl an awm tih tarlangin, 'Mipuiin an zawm that chuan eng pawl emaw hmingthatna, eng pawl emaw mualphona ni dawna hre tlat pawl an awm.Kohhran leh YMA sukthlek zawng apiang runluih tul ti tlat mi tlemte an awm bawk. Hengho hian thahnemngai takin halpuah kha an hal ta a ni ber mai,' tiin an hal hnem ang huin a haltu an tam lem lo tih a hriat, veng khatah in 5 bawr vel an ni tih a tarlang.

A puah nasat hlim khan boruak bawlhhlawh zawng tehna Air Quality Index-ah chuan 115 a ni tih tarlangin Home Minister chuan, 'Kum hmasa zan kha. AQI 597 a tling. Kohhran leh YMA-te runluihtute hi chhinchhiah tham, chhui chhuah harsa lo tak an nih hmel,' a ti.

Home Minister sawi danin, tun hnuah an tih tawh loh nan leh, thupek zawmtute thlavang hauh nan, an phu tawka action lak ngei chu thupek chhuahtute tan tihmakmawh a ni ngei ang.