Pawngsualtu leh hnute khawihtua puh an man

Champhai Police-te chuan tun hnai khan FIR an dawn bawhzuiin hmeichhe naupang kum tling lo pawngsual leh khuaikhema tua puh mi pahnih an man.

Thulaknain a tarlan danin, Champhai khawpui chhung veng pakhata hmeichhe naupang kum 14 mi chu a hringtu a pa kum 36 miin 2023 December 2023 leh December 2024 khan pawngsualin mipat hmeichhiatna a hmanpui bakah, tum eng emaw zat mipat heichhiatna rawngkaiin khuaikhem thin.

Tun hnai khan hmeichhe naupang hi a pain kut a thlak avangin a nute-i henah a chunga a pa chetdan dan hi a hrilh a, Child Welfare Committee (CWC) te hriattir an nih hnuah CWC Champhai Chairman chuan Champhai Police station-ah FIR a thehut. fanu pawngsualtua puh hi Champhai Police-te cuan manin thubuai an siamsak a ni a, jail-ah khung nghal a ni.

Tun hnai vek khan Champhai khawpui chhung veng pakhatah hmeichhe naupang kum 14 mi chu a muhil lai chu mipa kum 27 miin a hnute a khawihsak ni-a sawiin Champhai Police Station-ah thubuai theh an thehlut a, thubuai siam sak niin, jail-ah an dah.

(Vanduaina tawkte hriat chhuahna a nih theih avangin pawikhawihtua puhte hming tarlan a rem lo - Bengvarna)