Pension tawh chhawr nawn

Mizoram Sorkar chuan sokrar hna atanga pension tawh K Laldingliana, MCS (rtd.) chu a chhawr nawn. K Laldingliana hi State Election Commission (SEC) secretary a nih laiin ni 31.1.2025 khan sorkar hna atangin pension-in a chhuak.

K Laldingliana hi February leh March, 2025 chhung atana chhawr nawn leh a ni a, SEC secretary hna a chelh leh ang. A hlawh pangngai ang a hlawh tawh dawn loa, chhawr nawn a nih chhung hian thla khatah Rs. 34,000 lawmman pek a ni dawn. Chhawr nawn a nih chhungin annual increment/percentage increase engmah a nei lo ang. A service pawhsei a nih loh avangin chhawr nawn a nih chhungin pension hlawh a la thei thung dawn.

Dearness Allowance, Transport Facility, Residential Accommodation, Personal Staff and Medical Reimbursement, etc. engmah a nei thei lo. GAD chuan a hun tawp hmain a duh chuan a ban thei ang a, ni 15 chhung hun pek tur a ni thung. Amah pawh a duh chuan a hun tawp hmain a bang thei anga, a ban hma ni 15 chinah a hrilh lawk ve a ngai.