Hnahthialah in kang ral

Vawiin (4.2.2025) chhun dar 1:30 vel khan Hnahthial Electric Vengah Siamveli in Assam Type, chhungkaw hnih luahlai chu a kang a, bungrua chuh hman lohin a kang ral.

Hnahthial atanga Bengvarna thudawn danin, Siamvelite in hi anmahni chhungkaw member pahnih leh an inhnuai chu hmeithai Denghnuni’n a luh lai Assam Type a ni. In neitu nu hi kal tha hle thei lo a ni a, in a kan hma hian dawr-a thil lei turin a chhuak a, an mikhual kum 80 vel mi leh an in hnuai luah hmeithai pawh an chhuah hlan niin a ni.

Mita hmitute sawi danin an in hnuai chhak lam kil atangin kang mei hi a chhuak tan niin an sawi a, theih tawp chhuah in thelh mih tuma beih a ni a, gas bur vawi thum lai a puah avangin mei hi a alh chak hle. An kawmchhak Lallianbuangate in pawh a chhe nual a, an kawmthlang F. Lalthangkimate in erawh kangmei hian a tichhe lutuk lem lo.

Kangmei avanga kang thelhtu mitlawmngai panga chu an inhliam avangin damdawi in panpui an ni, inhliam pakhat Malsawmzuala (15) s/o Lalruatdika, Electric Veng Hnahthial chu a hliam a nat avangin Lunglei lamah refer a ni. Hliam tuarte hi gas bur puak in a per te niin an sawi.