Kuhva phur motor tlan phal tawh lo

Kawlkulh Group YMA chuan nimin (3.2.2025) khan ngenna thuchhuah siamin, February 1, 2025-a executive committee chuan kuhva rah phurtuten Kawlkulh leh a chhehvel kawng an hman dan ngun takin a ngaihtuah tih tarlangin, 'Kawlkulh Group YMA huam chhung kawngpuiah tunlai hian kuhva rah phur motor lian leh te tam tham tak an tlan thin tih hriat a ni. Kawkulh Hiappui inkar, tuna Balaji Pvt. Limited ten PMGSY III hna an thawh mek hi tun dinhmunah kawng laih hna zawh fel thawklut a ni tawh a, hun rei lote-ah kawng chhuat phah a ni tawh dawn nia hriat a nih vang leh Kawikalh-Puilo kawng, SASCI huaia siam zawh thar te. Kawlkulh - Dulte inkar by pass avanga one time improvement tih hmalak mekte chu tun ang zela kuhva rah phur motor-ten an zawh chuan rei loteah a chhe leh vat thei dawn niin a lang,' an ti.

Ngenna thuchhuah an siam atanga thu leh awm hma chu kuhva rah phur motor-te Kawlkulh Group YMA huam chhungah tlan phal a ni tawh lo tih tarlangin Kawlkulh Group YMA chuan,l 'Ngenna thuchhuah pawisa loa tlan lui an awm a nih chuan district thuneitute nen inbiakremna angin hmalak a ni ang. Heng kawngpuite hi vantlang mipuite tana siam leh tangkai taka han hman mek angin dan phal loh thil phurte avanga kawngpui a chhiat mai lohna tura ngenna thuchhuah hi thlawp turin mipui kan ngen,' tiin an ngenna an hlawhtlin theihna atan an group huam chhung mipuite an hma awn theuha tan lak pui turin an sawm.