Aikal la hria report turin ngen

DP&AR Minister K Sapdanga chuan Mizoram Sorkarin aikal lak a khap thu sawi nawnin, aikal la ru hria an awm chuan report turin a ngen.

Ni 3.2.2025-a ZPM Office-a an party chhung inkhawmah thu sawiin K Sapdanga chuan, 'Aikal lak khap a nih hnuah sorkar hna dik taka thawktute an thaw huai tih kan hmu. Aikal la ru an la awm em tih chhui reng a ni a, hria kan awm a nih chuan thuneitute hnenah hriattir thin turin kan inngen nawn leh. Chu chu sorkar neitute phei hi chuan kan mawhphurhah kan lak a tha khawp mai. Siamthat hna hi sorkar hnathawkte kutah mai ni loin, sorkar neitute mawhphurhnate pawh a ni,' a ti.

DP&AR Minister chuan sorkar hnathawk zawng zawng deuhthawin pisa hun vawn dik nuam an tih thu sawiin, "A hun taka pisa kai a, pisa hun chhunga tul taka hnathawh a, a hun taka haw leh mai ṭhin sorkar hnathawkte hian an ning viau ang tih eptu pawlte hian an ring ni awm e Sorkar hnathawk zawng zawng deuhthaw hian hun vawn dik hi nuam an ti a, ṭul taka hnathawh hi hrehawm an ti lo,' tiin hei hi mi pangngai rilru pui chinte ngaihdan a nih thu a sawi.