Ruihhlo do dan tur rel

Khawzawl Vengthar Branch YMA chuan an huam chhunga zu leh heroin do kawnga hmalak dan tur an rel a, heroin  zuar/vawrh an awm a nih chuan thla 6 chhung an veng chhuahsan tura tih an rel.

Heroin ti thin hnen atanga anmahni tih tur man sak an nih chuan thla 3 chhung an veng chhuah san tura tih nise Khawzawl Vengthar Branch YMA chuan an rel a, zu man sakte chu warning/zilhhau an ni ang. Man sak nawn leh an nih chuan warning puitling pe nawn lehin, YMA Information-a puanzar bakah branch hanchinbuah an hming tarlan a ni dawn. Zu vawi thum man sak an nih chuan thla 3 chhung an veng chhuahsan tura tih nise, an ti. 

Ruihhlo chungchang bakah hian Tuimuk lui dung hum halh chhunzawm zel ni se an ti a, chhungkaw aiawh inrâwnkhâwm leh veng chhunga tleirawl inkohkhawm ni se tih te an rel bakah an veng huam chhunga raltlan awm mekte YMA member atana lak rih loh ni se tiin an rel bawk a ni.