Minister-in ngaihdam a dil

MNF-in Election Model Code of Conduct bawhchhiaa an puh chungchangah Minister Vanlalhlana chuan Mizoram State Election Commission (SEC) ah ngaihdam dilna a thelut a, State Election Commissioner (SEC) chuan vawiin (4.2.2025) hian order ti chhuakin, ngaihdam a nih thu a tarlang. 

SEC Order (A ngai ngaiin) 

MNF General Headquarters-in Complaint a thehluh Pu Vanlalhlana, Hon'ble Minister-in Model Code of Conduct for Election Conducted by State Election Commission, Mizoram, 2025 bawhchhiaa an puhna (Vide letter No. MNF/20253, dated: Aizawl, the 30th January, 2025) leh Minister Pu Vanlalhlana'n State Election Commission-a a insawifiahna thehluh (Vide letter No. PB/Min/PWD/TRP/PAD-2024/8, dated: Aizawl, the 3rd February, 2025) chu State Election Commission chuan ngun takin a ngaihtuah a; hetiang hian thutlukna a siam a ni.

Minister Pu Vanlalhlana hian State Election Commission thupek angin, a hun takah a rawn chhang a, Model Code of Conduct (MCC) bawhchhe tura a tum reng vanga video clip hi siam anih loh thu leh, dan bawhchhiatna a ni tih hre lova, tihpalh a nih thu sawiin, ngaihdam a dil a ni.

State Election Commission chuan thil awm dan hrang hrang chhuia a enfiah hnuah. ngun taka a ngaihtuahin, Minister-in a thil tih pha lova ngaihdam a dilna hi a vawikhat tihna anih avang leh ti tawh lo tura a intiam avangin pawmsakin a ngaidam a ni. Hei bakah hian Video Clip hi campaign naa ngaih theih anih avangin nuaibo (delete) nghal turin a hriattir a. Hemi atana a hmalakna hi ni 3 chhunga State Election Commission-a theh lut leh tura hriattir a ni bawk.

Minister hi a intiam ang ngeia Inthlan kaihhruaina ngun taka zawm tur leh fimkhur leh zual tura a intiam ang ngeiin, Dan bawhchhe lova hma la tawh tura beiseiin a hriattir a ni.