Meth. leh herion an man

Excise & Narcotics Department chuan thuchhuah siamin, FIU, Assam Rifles nen thawk dunin nimin (5.2.2025) chawhnu dar 2:20 khan Zote Tiau, Champhai District-ah methamphetamine kg. 2 & gram 222 leh a neitu nia puh mi pahnih - Sumlamthang (35) s/o Chinsawmpau, Bulfek, Myanmar leh Zamngaihno (36) s/o Khupsawmmang, Bukphir, Myanmar-a khawsa nia inchhalte an man tih an tarlang. 

Excise & Narcotics Department tarlan danin, nimin vek tlai dar 5:40 khan Khatla-ah heroin gram 246 leh a neitu nia puh mi pahnih -Kapchina (34) s/o Menzavunga, Khawmawi, Myanmar leh Naman Uddin (32) s/o Riyaz Uddin, Eraligool, PAS Patharkandi, Karimganj District, Assam-a khawsa nia inchhalte an man. Heroin phurh kualna atana an hman lirthei pahnih – SML Truck (Regn No – MZ04A-4454) leh Wagon R car (Regn No AS10G-9038) pawh hrensak an ni.

Heroin leh methamphetamine vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, vawiin hian court-ah hruai nghal an ni.