Hal lo zel turin ngen

Central YMA chuan thuchhuah siamin, kum 2024 Krismas leh kumthar, 2025 vuakveta sawrkarin halpuah leh halmawi hal a khap leh YMA-in hal lo tura kan ngennate mipuiin an zawm thain, a hlawhtling hle nia an hriat thu an tarlang.

Sawrkar khapna a hlawhtlin theihna tura thahnemngai taka thawktu, dan leh thupek kengkawhtu te, kohhranho te, Sub- Headquarters, Group leh Branch YMA te, chanchinbumite leh mipuite chungah CYMA chuan lawmthu an sawi tak meuh a ni.

CYMA chuan, 'Kum lo kal leh zel turah pawh halpuah leh halmawi hal hi mihring hriselna a tana tha lo leh boruak tichhetu a ni tih hria a, hal lo zel turin kan inngen bawk a ni,' an ti.