Home > Mizoram News > ZPM Sokar hi meikhupin India Sorkar lakah an awm - Tawnluia
Mizoram News
ZPM Sokar hi meikhupin India Sorkar lakah an awm - Tawnluia
admin 17-Jan-2025 02:32 PM

Vawiin (17.1.2024) chhun khan MNF chuan an office-ah chhung inkhawm an nei a, thusawitu  National Core Committee (NCC) Member Tawnluia chuan, 'ZPM Sorkar hi India lakah meikhupin an awm. Kan Bawm unau nunau nena Mizoram rawn lut tawh 28 pawh Mizoram Sorkar leh Assam Rifle-ten tunhnai lawk khan an nawr let leh a ni,' a ti.

Tawnluia chuan kan unaute thlavang hauh inti ve siin a tak takin engmah an ti tak tak ngam lo nia sawiin, 'Meikhupin an awm. CM berin pawhin, 'central thuneihna do ngawt chi a ni lo,' a ti. Sorkar hmasa leh CM hmasa hmalakna leh tun sorkarin kan unaute thlavang a hauh dan chu a inang lo hle a ni, ' tiin India Sorkar laka unaute thlavang pawh hauh ngam lo sorkar kan hrawn niin a sawi. 

ZPM Sorkar hian sum enkawl an thiam loh vangin financial crisis an hmachhawn mek nia sawiin Ex. Dy. CM Tawnluia chuan, 'Tuna an dinhmun chu BJP minister pek nge zu zawrh, tih a ni deuh maiin a lang. Sum an puk awk awk áš­hin te, oil man an tih san te, buhfai man nasa taka an tih pun te, chhiah an tih pun te hi eng atan nge an hman? Sum leh pai enkawl danah an hlawhchhan chiang hle a ni,' a ti. 


Tags: #sokar #meikhupin #india #sorkar #lakah #tawnluia #unaute #thlavang

Bengvarna

Share :
Share on Facebook   Share on Twitter   Share on Whatsapp