NGO-in lung paih sak

Hortoki atanga Meidum panna kawng siam mekah kham ko sang lai kawng zauhna tura retaining wall siamna atana contractor-in lung a hman chu a tha lo nia ngaiin Hortoki NGO Coordination Committee chuan nimin (3.2.2025) khan an paih sak.

Hortoki NGO-in PWD atanga thu an dawn danin, lung rem hna hi Kamrul-a hnathawh a ni. NGO-te chuan an lung hmante hi a chang loa, balu lung ang chi niin an sawi. Lung tha hmang ve tho mah se, lung chhia hi tam tak an phum tel niin an sawi a ni.

Helai hmunah hian retaining wall hi ft. 90 vela thui siam tur niin ft. 30 vela sang tur niin NGO te hian an sawi a, a chhungril a that loh chuan lirthei chetsualna a thleng thei niin a ngai. 

Project Board-a a in tar dan chuan he hna hi ni 18.12.2021 a thawh tan tur, ni 18.6.2023 a thawh zawh tur niin, project cost chu cheng vbc. 14.22 a ni. Contractor chu KR Construction, Thuampui, Aizawl.