DM&R-in ngenna an ti chhuak

Disaster Management & Rehabilitation Department chuan mipui hnena ngenna ti chhuakin, fimkhur lehzual turin an ngen.

DM&R Department chuan India Meteorological Department, Regional Meteorological Centre, Guwahati leh Meteorological Centre, Aizawl-in thu a chhuah angin Assam leh a chhehvela fur ruah a thawh rualin Mizoram hmun ṭhenkhatah ruah nasa tak sur thei dinhmunah a ding mek tih tarlangin, 'Thli leh tek pawh a awm theih thu khawchin thlir lawktute chuan an sawi. A bikin ni 29.05.2025 hian ruah nasa taka sur tura thlir lawk a ni,' an ti.

Hetiang a nih avang hian chhiatna laka kan him theih nan chhung tinte a theih ang anga fimkhur lehzual tura ngen nawnin DM&R Department chuan, khuarel chhiatna thleng palha harsatna tawkte chuan mahni District Emergency Operation Centre (DC Office) ṭheuhte emaw a hnuaia toll free number tarlanahte hian rang taka hriattir turin an ngen.

1) District Emergency Operation Centre : 1077

2) State Emergency Operation Centre : 1070/0389-2342520

3) Emergency Response Support System (ERSS): 112