Office-a meizial zukah khauh dawn

GAD chuan nimin (28.5.2025) khan notification ti chhuakin, sorkar pisaahte ashtray, nawalh, lighter leh meizial zuk kaihhnawih chhawp chhuah/dahlan phal a ni lo.

GAD chuan Cigarettes and Other Tobacco Products (Prohibition of Advertisement and Regulation of Trade and Commerce, Production, Supply and Distribution) Act, 2003 in a phut angin sorkar office tinah 'No Smoking' tih tar tur a nih bakah 'Complaint Board' pawh tar tel tur a ni. Ashtray, nawalh, lighter leh meizial zuk kaihhnawih chhawp chhuah/dahlan a khap tlat a ni.

Department tinah Tobacco Control Team din tur a ni a, anni hian COPTA dan bawhchhia an awm leh awm loh khauh takin a tlem berah thla khatah vawi hnih tal an ngaihven thin tur a ni. Thla tin hma an lak dan an concerned DC theuhah an thehlut tur a ni bawk.