Heroin man tawhnaah methamphetamine man leh

Hualngoram Peoples Organization (HPO) Police-te chuan heroin hawng 427 an lo man tawhna Khawmawi, Myanmar-a sikul pakhat atangin methamphetamine thuhruk mum 6,000 an man leh.

Thulaknain a tarlan danin, Khawmawia TPCE Nursery School-ah hian heroin man a nih avangin sikul hi khar a ni. Sikul khar a nih tak avang hian zirlai nu leh pa te ngenna angin admission fee pek let leh dan tur ngaihtuahin zirlaite hming endikin thuhretute, police leh kohhran hruaitute chu sikulah hian nimin (28.5.2025) khan an inhmukhawm a, hetah hian methamphetamine thuhruk mum 6000 an hmuchhuak leh a ni. Hei bakah hian ruihhlo kaihhnawih sum fai Rs. 51,000 an man tel.

May 22, 2025 khan Ngun Sui Thang ta, TPCE Nursery School, Khawmawi Myanmar atang hian Mizoram lama rawn phurh luh tum heroin hawng 427 an lo man tawh a, heivang hian Hualngoram Local Government chuan sikul hi an khar.

Ruihhlo neitu bera puh Ngun Sui Thang hi a tlanbo mek a, man tum a chhui zui mek a ni a, a nupui Tuan Kim Thiam chu May 22 khan man a ni.