Fimkhur tura ngenna thuchhuah siam leh

Disaster Management & Rehabilitation (DM&R) Department chuan ruahpui leh thlipui thawk thei avanga nimin (28.5.2025) a fimkhur tura mipui ngenna thuchhuah a lo siam tawh angin, vawiin hian thuchhuah an siam leh.

DM&R Department chuan Govt. of India, India Meteorological Department (Ministry of Earth Sciences), leh Integrated Control Room for Emergency Response (ICE-ER), Ministry of Home Affairs-a khawchin thlirlawktuten May 30 leh ni 31, 2025-ah Mizoram hmun ṭhenkhatah ruah nasa tak sur thei dinhmuna a din mek thu leh thli leh ṭek pawh a awm theih thu an puan angin, chhiatna laka kan him theih nan chhung tinte a theih ang anga fimkhur lehzual turin an inhriattir nawn leh a ni.

Khuarel chhiatna thleng palha harsatna tawkte chuan mahni District Emergency Operation Centre (DC Office) ṭheuhte emaw a hnuaia toll free number tarlanahte hian rang taka hriattir tur a nih thu an tarlang.

1) District Emergency Operation Centre 1077

2) State Emergency Operation Centre : 1070/0389-2342520

3) Emergency Response Support System (ERSS): 112