AMVCA hruaitute'n MP an kawm

All Mizoram Village Council Association (AMVCA) hruaitute chuan vawiin (20.6.2025) chhun khan Lok Sabha MP Richard Vanlalhmangaiha, Aizawla a chenna inah an kawm.

AMVCA hruaitute hian Mizoram MP hmalakna an lo thlir reng thu leh, a hmalakna te chhuanawm an tih thu hrilhin, Mizoram tana hna a thawh zelna turah duhsakna an hlan a ni. 

Village Council te hamṭhatna kawng hrang hrang lo ngaihvenpui thin turin AMVCA hruaitute hian Richard Vanlalhmangaiha hi hrilhin, Village Council te innghahna lian ber, 15 Finance Commission fund pawh Mizoram Sawrkarin a dâwn thuai theih nan chak zawka lo nawrpui ve turin an ngen a ni.