CM Discretionary Fund-ah chhung lut

Gospel artist C Vanlalmalsawma (Sawmtea Chhangte) vawiin (6.8.2024) hian Chief Minister Discretionary Fund-ah pawisa thahnem tak a chhung lut.

Sawmtea Chhangte hian CM Discretionary Fund atan Rs. 212,500 Chief Minister Lalduhoma hnenah a chhunglut. Heng sumte hi USA-a rawng a zuk bawl chhunga hemi puala concert Detroit Chin Emmanuel Church leh Nebraska Chin Baptist Church, Omaha a neihna atanga hmuhte a ni.

Concert hi Evan Mang Cung Nung (Sailo Pa) leh Thong Thluai (Sailo Nu) te hmalaknaa buatsaih niin, Sailo Pa crusade tawp zanah CM Discretionary Fund atana Concert hi neih thin a ni.