Lok Sabha MP-in TNT a tlawh
admin 14-Nov-2023 05:11 PMLok Sabha MP C Lalrosanga chuan vawiin (14.11.2023) chhun khan Muanna Veng, Aizawla Thutak Nunpuitu Team (TNT) hmun tlawhin a fang kual.
C Lalrosanga chuan TNT hmunpuia nausen aṭanga puitling, pitar/putar thleng enkawl ngaite enkawl an nih dan leh an mamawhte a hmunah ngei hmuh puiin, TNT a rawngbawltute inpekna leh an hnathawhte ropui a tihzia thawktute a hrilh.
Pathian rinchhan a, rinna tak tak nena mi 1800 lai harsatna leh mamawh chi hrang hrang nei an enkawl dan chu fakawm a tih takzet thu Lok Sabha MP chuan a sawi.
C Lalrosanga chuan chuan TNT a inenkawlna in leh hmunhmate chu enkawl ngaite enkawlna atan a chep tawh hle tih a hmuhin a theih ang tawka ṭanpui a tum thu a sawi, 'TNT Kalvari Hospital De Addiction Centre tihlen dan ngaihtuah a ni ang,' a ti.
Lok Sabha MP chuan TNT De Addiction Centre tana MP Fund atanga lungrem a lo siam tir tawhte chu enin ṭha a tih thu a sawi a, kum 2016 a ama hoa din 'Prayer for Myanmar'pawl hmingin TNT puala chhawmdawlna programme buatsaih an tum thu a sawi bawk.
