Deborah-i ruang ngeia hriat hmu

May 28, 2024 zinga leiminin Melthuma chenna in a hnawl avanga nunna chan ruang la hmuh loh mi pali zinga mi Deborah Lallawmawmi (11) d/o R Lalmuanzova, Hlimen ruang ni ngeia hriat chu hmuh a ni.

A nawlpuia ruang zawn hna tihtawp ni tawh mah se, mi eng emaw zat chu ruang zawng hian an la thawk chhuak reng. Vawiin (4.6.2024) tlai khan Deborah-i ruang ni ngeia hriat chu leiminin in a hnawlna hmunah hmuh a ni a, he thuziahlai (5:00 PM) hian lak chhuah tum mek a ni.

A nawlpuia ruang zawn tihtawp a nih laiin Melthumah hian Deborah-i bakah hian Lalthakima (42), Lalvenhima (8) leh Ramdinsanga (thla 6), Melthum vekte ruang hmuh a la ni lo.