Thubuai ziahluh a ni lo

Tunlaia social media lama sawi hlawh tak Patrick Hmingsangzuala s/o Lalrinmawia, Bawngkawn Veng, Aizawla thihna chungchangah FIR ziahluh a awm lo.

Police hnen atanga Bengvarna thudawn danin, Patrick Hmingsangzuala thihna chungchangah hian thubuai ziahluh a ni loa, FIR thehlut pawh an awm lo. Police lam chuan FIR an dawn loh avangin he thihna hi an chhuizui lo.

Partrick Hmingsangzuala hi ni 8.8.2024 chawhma dar 11:45 khan a thi a, a tuk chhun dar 12 ah vuiliam a ni. A thih dan social media-ah sawizui a hlawh hle.

Social media-ah chuan a pain a nu vuak a tumna lamah a nuin a lo hmathlak si a, a luah vaw fuhin a hliam tuar loin a thi tiin a darh laiin, hei hi thudik lo a nih thu leh a nu tluk palh vanga thi nia sawi pawh a awm.