CM Special Package dil leh theih tep

Vawiin khan CM Conference Hall-ah Chief Minister Lalduhoma hoin Mizoram State Policy Coordination Committee-te chu an thukhawm

Meeting-a tarlan a nih danin, Chief Minister Special Package-ah a thawhkhatnaah mi 2000 target siam nimah se, a diltute zingah cheng nuai 1 tling lo dil eng emaw zat an awm avangin mi 2226 te chu dawng tura thlan an ni.

Dilna thenkhat hi an hmalakna tura an sum mamawh zat aia tam dil an la awm nia a lan avangin a dawngtu tur zat hi a la danglam thei dawn nia ngaih a ni.

CM Special Package dawng tura thlante hi a rang lama training pek tur an ni a, training an kal zawh ve leh sum hi pek an ni ang.

July thla chhung hian line department-ten dilna an la kawlte a tam thei ang ber lo endik se, August thla atang chuan dilna hi hawn leh tan ni se an ti. A scheme kalpui zelna tur thil pawimawh hrang hrangte an sawiho nghal.