MSU-in 2nd appeal thehlut

Vawiin (June 25, 2025)  chhun khan Mizo Students’ Union (MSU) hruaitute chuan State Information Commission-ah RTI an zawhna chhan anih loh avangin 2nd appeal an thehlut a ni. 

MSU hian an hruaitute hming hawhin RTI Online Mizoram Portal-ah, 'College Zirlaite Student Aid Fund pek khawm hman ralna”, Higher & Technical Education Directorate-a zawhna an zawh chu SPIO-in a hmanna diktak tarlang si loa a chhan avangin, first appeal March 8, 2025 khan an thehlut. Hei hi vawiin thleng (an thehluh atanga ni 108 a liam hnu) pawha an chhan loh avangin State Information Commission SPIO hnenah 2nd appeal an thehlut leh a ni. 

MSU chuan Students Aid Fund College zirlaiten Rs. 50 admission apianga an chawi ṭhin chu, zirlaite ṭanpuina tak tak ni lova hmanral ni ṭhinin an hria a. thil dik lo a awm a nih chuan na taka hmalak an tum a ni.