Saza kaptua puh jail-ah dah
admin 03-Dec-2024 06:49 AM
Environment, Forest & Climate Change (EF&CC) Department chuan ni 30.11.2024 (Inrinni) khan Wildlife (Protection) Act, 1972 bawhchhia-a silai hmanga saza kap hlumtu a puh Lalrinpuia s/o Burmathanga, Sairang Vengsang chu manin, ni 1.12.2024 khan Central Jail ah dah luh nghal a nih thu an tarlang.
EF&CC tarlan danin, ni 28.11.2024 a report dawn bawhzuiin Aizawl Wildlife Division Officer leh staff-te chuan chhui zui zelin Buichali bazarah ramsa leh sava a rep leh a hring an man. A hnuah saza kap tu a puh Lalrinpuia hi ni 30.11.2024 (Inrinni) khan manin a sa zawrh tura a pek chhuah saza sa kg. 5 vel leh a kahna silai (SBBL Gun) chu an man.
Lalrinpuia hi Sairang Forest Range Office-ah a statement lak fel a nih hnuin Aizawl lamah phur chhoh a ni a, ni 30.11.2024 zan khan Aizawl Police Station thana lamah dah ni in, a tuk Ni 1.12.2024 ( Pathianni) dar 2:15 pm khan 1st Class udicial Magistrate Lianmawii Hauhnar hmaah hruai ani a, tlai lam dar 3:30 velah Central Jail lamah dah luh a ni.
Saza sa man hi tawihchhe thei anih avangin Magistrate chuan halral phalna a pe nghal.
Saza hi Wildlife (Protection) Act 1972 hnuaiah Schedule 1 ramsa a ni a, kum thum (3) atanga kum sarih (7) thleng lung in tan emaw cheng 25,000 thleng chawi tir theih emaw a pahniha hrem kawp theih a ni.
