Heroin vangin man

Excise & Narcotics Department leh FIU, Assam Rifle-te thawk dun chuan nimin (7.1.2025) zan dar 8:30 khan Electric Veng, Champhai-ah heroin grams 119.700 (hawng 10) an man.

Heroin neitua puh mi pathum – Samuel Lalchawimawia (25) s/o C. Lalremruata, Electric Veng, Champhai; Lalchhanhima (20) s/o C. Vanlalruata, Bethel Veng Champhai leh Rebecca Laldingliani (23) d/o T. Lalramlawma, Vengthlang North, Champhai nia inchhalte chu an man nghal. 

Heroin vanga mante hi The Narcotic Drugs & Psychotropic Substances Act, 1985 (ND&PS Act) tlawhchhana thubuai siamsak an ni a, 8th January, 2025 khan District & Sessions Judge, Champhai District-ah hruai nghal an ni.